आइज्याक न्यूटनका २० प्रेरक वाणी, जसले हाम्रो सोंच बदल्छ

0

आफुबाहेक अरु सबैलाई पागल देख्ने संसार !आफू मात्र सही अरु सबैलाई गलत देख्ने यो संसार ! आफ्नो आङ्गमा भैसी हिडेको नदेख्ने अर्काको आङ्गमा जुम्रो कोट्याउने संसार । बाँचुन्जेल नेपोलियन , अब्राहम, विलियम, बबमार्ली, लक्ष्मीप्रसाद¸ शिद्धिचरण, भैरव अर्यालजस्तालाई पागल देख्न यो संसार । पागल भन्दै राँची पुर्‍याइएका उनै देवकोटा मरनोपरान्त महाकविले विभुषित गरिए । उनै सिद्धिचरण युगकवि कहलिए ।

कुनै अनौठो मान्नुपर्दैन अपवाद पनि त होइन  ! विश्व पनि अछुतो छैन यसबाट ! हजारौँ सिद्धान्तका प्रतिपादक थोमस अल्बालाई पागलै भनिएको थियो ! सुकरात, प्लेटो अरस्तु, गौतम बुद्ध, न्यूटन, आइन्सटाइन सबैसबैलाई पनि त पागलै भनियो । सयौँ बर्षदेखि स्याउ भूइमै खसिरहेको थियो ! कुनै एकदिन बगैचामा बसेका सर आइज्याक न्युटनले रुखबाट खसेको स्याउ जमिनतिरै किन खस्यो रु माथितिर किन गएन रु भन्ने प्रश्नमाथि प्रश्न उठाए ! जिज्ञासा माथि जिज्ञासा उठाए ।

अर्बौं जनसंख्या भएको यो विश्वमा कति मानिस जन्मिन्छन् र मर्छन् कुनै हिसाब किताब हुँदैन । तर, केही यस्ता मानिस पनि हुन्छन् जसलाई यो दुनिया छोडेर गएको शताब्दियौं पछिसम्म पनि सम्भिmइन्छ ।

ती मध्य एक हुन बेलायती वैज्ञानिक सर आइज्याक न्यूटन । विज्ञानको दुनियामा आइज्याक न्यूटन यस्तो हस्ती हुन् जसले गुरुत्वाकर्षणको नियम र चालको नियम सबैभन्दा पहिले प्रतिपादन गरेका थिए । उनले गुरुत्वाकर्षणको नियम बताउँदै भनेका थिए, ‘कुनै अज्ञात शक्तिले चीजलाई आफूतर्फ खिच्छ । यो नियम ब्रहृमाण्डको प्रत्येक कणमा लागु हुन्छ । हरेक कण ले अर्को कणलाई आफूतिर खिच्छ ।’

न्यूटन विश्वचर्चित वैज्ञानिक मात्रै नभई एक दार्शनिक पनि थिए । आज हामी आइज्याक न्यूटनको महान विचारको बारेमा कुरा गर्न गइरहेका छौं ।

आइज्याक न्यूटनको प्रेरक भनाईहरु

– हरेक क्रियाको बराबर तर विपरित प्रतिक्रिया हुन्छ

– जो माथि जान्छन् उनीहरु तल आउनु स्वभाविक हो ।

– म अरुजस्तै साधारण नै छु तर मेरो प्रयोगले मलाई असाधारण बनाइदिएको छ ।

– हामी मानिसले पर्खाल त धेरै बनायौं तर, पुल पर्याप्त बनाएनौं ।

– म आकाशिय पिण्डहरुको गणना त गर्न सक्छु तर मानिसको पागलपनको गणना गर्न सक्दिन ।

– उत्थान पछि विनाश पनि सम्भव छ ।

– त्रुटी कलामा हुँदैन बरु कलाकारमा हुन्छ ।

– यदि मैले मानिसको कुनै पनि सेवा गरेको छु भने यो मेरो सोचको कारण नै सम्भव हुन सकेको हो ।

– म पनि साधारण नै छु, मेरो सफलताको राज अरु कुनै शक्ति होइन मेरो निरन्तरको प्रयास र कोशिश हो।

– कुनै पनि खोज साहसिक निर्णय बिना असम्भव छ ।

– एक वस्तु त्यतिखेर सम्म आफ्नो सिधा रेखामा गतिशिल रहन्छ जबसम्म उसमाथि कुनै बाहिरी बल नगर्नुहोस् ।

– प्रकृति सँधै सादगीमा नै खुसी हुन्छ ।

– मेरो लागि सांसरिक सम्मान वा गौरव कहिल्यै पनि विज्ञानको क्षेत्रमा प्रगति भन्दा ठूलो होइन ।

– यदि म अरुको तुलनामा आफूलाई अगाडि पाउँछु भने यस्तो दिग्गजको काँधको सहारामा नै गर्न सकेको हुँ ।

– धैर्य नै प्रतिभा हो ।

– कुनै पनि अन्य सबूतको अनुपस्थितीमा एक्लो औंला मलाई भगवानको अस्तित्वको बारेमा बुझाउनको लागि प्रेरित गर्छ ।

– प्लेटो मेरा साथी हुन र अरिस्टोटल पनि मेरा साथी हुन् तर मेरो सबैभन्दा ठूलो साथी सत्य हो ।

– कसैलाई पनि आफ्नो दुश्मन नबनाइ आफ्नो लक्ष्य प्राप्त गर्ने कला चातुर्यता हो ।

– म यो संसारको लागि के हुँ म जान्दिन तर, मेरो नजरमा म समुन्द्रको किनारमा चिल्लो पत्थर र सीप खोज्न व्यस्त बच्चा समान हुँ । जबकी मेरो अगाडि सत्यको अबुझ अथाह सागर फैलिएको छ ।

– कडा मेहनत पछि मात्रै मैले आफूलाई यस्तो बनाउन सकेको छु ।

Leave a Reply